Þá er komið að hinu árlega Þorrablóti Keilis. Blótsstjóri í ár verður enginn annar enn Ingvar Jónsson áður söngvari hinnar geysivinsælu hljómsveitar Papar og snarvilltur kylfingur, já það er rétt hann Ingvar hefur ekki hitt braut í upphafshöggi frá því hann var 12 ára….Enn reynir þó. Maturinn einsog áður kemur frá Múlakaffi og verður boðið uppá hákarl og ískalt brennivín í startið, einnig verður á boðstólnum pottréttur fyrir ykkur sem eru ekki alveg tilbúinn í súrann innmat og allt það sem tilheyrir svona glæsiveislu. Skráning á blótið fer fram á netfanginu keilir@keilir.is. Verið fljót að taka frá miða því aðeins eru 65 slíkir í boði.