Meistaramót Keilis 2014 er hafið. Arnar Atlason formaður Golfklúbbsins Keilis setti mótið í morgun kl.06:30 í ágætis veðri. Meistaramót Keilis er stærsta mót sumarsins og í ár eru 340 Keilisfélagar skráðir í mótið í öllum flokkum sem eru samtals 22. Meistaramótið byrjar þann 06. júlí og mun það taka enda þann 12. júlí. Allir starfsmenn Keilis eru búnir að hafa nóg að gera undanfarið til að undirbúa mótið og völlurinn lítur mjög vel út. Í fyrsta ráshóp í morgun voru þær Thelma Björg Jónsdóttir og Íris Lorange Káradóttir en þær spila í stelpuflokki 14. ára og yngri. Það er okkar von að þessi vika verði skemmtilegasta vika sumarsins og vonandi fáum við veðrið í lið með okkur. Þessa vikuna verða krýndir klúbbmeistarar í öllum flokkum karla, kvenna og barna. Golfklúbburinn Keilir óskum öllum keppendum góðs gengis þessa vikuna.
Arnar Atlason setur meistaramótið 2014
Íris Lorange Káradóttir
Thelma Björt Jónsdóttir
Balli að ræsa stelpurnar
Nýja púttgrínið við 1. teig lítur vel út
Vallarstarfsmenn út um allan völl