Þá er loksins komið að því eftir dágóða bið. Enn við fluttum fréttir að því hér fyrr í sumar að nýtt vallarmat væri á leiðinni á Hvaleyrarvöll. Nú 9 vikum seinna er matið komið í hús. Það er skemmst frá því að segja að matið leiðréttist nokkuð nú við endurskoðunina. Á gulum teigum hækkar course rate-ið um 0,9, á rauðum kvenna um 1,5 og á hvítum karla um 1. Hér má sjá meira um hvernig forgjöfin breytist hjá kylfingum er þeir leika Hvaleyrarvöll. Nýja matið tók gildi nú 1. október. Þá er bara að vona að þetta auðveldi Keilisfélögum að lækka forgjöfina í framhaldinu.